D.O.Ca Rioja

Salü Vinonauten

Wa bedütet Rioja D.O.Ca?

I versuechs so kurz wie möglich z'mache und meh oder weniger  S'Wichtigste mit z´teile.

D.O.Ca stoht für "Denominacion de Origen Calificada" und bedütet "qualifiziertes, geschütztes Ursprungsgebiet".

Im ganze hät Spanie (es chömet immer meh) 69 geschützte Ursprungsgebiet für Wy plus zwei die dörfet zuesätzlich die Bezeichnig "qualifiziert" verwende also D.O.C.

D.O.C isch fascht die a de Spitze i de spanische Qualitätspyramide (Qualitätspyramide witer une).

Rioja isch 1991 als D.O.C  Uszeichnet worde, zehn Johre spöter isch Priorat de Gwünner gsi.

Damit die Uszeichnig D.O.C möglich isch, mue die Region mindestens 10 Johre mit de Uszeiching D.O (geschütztes Ursprungsgebiet)  bereits bekannt sie.

Rioja hät bereits 1926 de D.O Status übercho und somit isch Rioja  s' erschte  Abaugebiet mit de Bezeichnig D.O

De D.O.C Reglament schribt folgendes vor, damit Qualität und Typizität gewährleistet wird:

Wie muess d'Abauigsflächi usgseh

Was für Rebesorte dörfet apflanzt werde
 
Wie hoch dörf de Ertrag si
 
Wybereitigstechnik
 
Art und Dur vom Wyusbau

Und, und, und........    

Natürlich wird das Ganze vom "Consejo Regulador" de "Kontrollrat der Region" jährlich überprüeft.

Als Qualitätssiegel träget alli Fläsche en fälschigssicheres Etikett mitemere Kontrollnummere und  das Riojalogo.

 

 

 

 

                          

 

 

Usbaumethode für Rotwy

Jung Wy

Wy  wo wenig Monat oder kei Holz berührt händ.

Crianza

Zwei Johr Usbau, mindestens ein Johr i Barriques und de Rest i de Fläsche.

Reserva

Drü Johr Usbau, mindestens ein Johr i Barriques und de Rest i de Fläsche.

Gran Reserva

Füf Johr Usbau, mindestens zwei Johr i Barriques und de Rest i de Fläsche.

 

Usbaumethode für Wisswy und Rosés

Crianza

Zwei Johr Usbau, mues mindestens sechs Monat i Barriques und de Rest i de Fläsche.

Reserva

Zwei Johr Usbau, mues über sechs Monat i Barriques und de Rest i de Fläsche.

Gran Reserva

Vier Johr Usbau, mues mindestens sechs Monat i Barriques und de Rest i de Fläsche.

Qualitätspyramida

 

 

     










Vino de Pago                                                      Lagewy

Denominacion de Origen Calificada                Qualifiziertes, geschüztes Ursprungsgebiet

Denominacion de Origen                                  Geschütztes Ursprungsgebiet

Vino de Calidad de indicacion Geografica      Qualitätswy mit geographische Agabe

Vino de la Tierra                                                  Landwy

Vino de Mesa                                                       Tafelwy

Saludos
El Vinonaute

Fleisch und Wy

Salü Ihr Vinonauten

Fritigobig isch Zit gsi für e guetes Stuck Fleisch im Ofe, Rosmarinkartoffeln und feini Sauce däzue.

I chan mi  mit zwei Vinonaten troffe zum wie bereits gseit es bitzeli koche und natürli paar Wy degustiere.

Im Ganze sind drü Wy degustiert und schlussendlich au trunke worde.

Zwei Fläsche händ mir blinddegustiert und die ander händ mir alli g´seh was es isch.

Und so händ mir die drei Fläsche g´mundet.

 

1.       Pesquera Crianza 2007 (blinddegustiert)

         

           Land, Spanie

          

           Region, Ribera del Duero

           

           Trubesorte, 100% Tempranillo

           

           18 Monaten i amerikanischi Barriques

 

Im Glas mittleres Rubinrot am Rand rifi Note, goht liecht is Orange.

I de Nase rote Kirsche, Vanille, Tabak, Krüter und liecht animalisch.

Nase isch schö und macht Luscht.

Im Gaume isch die Kirschfrucht au präsent aber wa mi bereits bitzeli stört,  s‘Holz chunt zu stark zur geltig.

Tannine spürbar aber nöd störend . S‘frische Gfühl im Gaume macht Luscht uf meh.

De Abgang wird vonere fruchtigi Schokibitternote begleitet und Längi goht au in Ordnig.

Fazit: guet gemachte Wy, macht Spass.

Kei mega konzentrierti Bombe i de Nase oder Gaume aber trotzdem kräftig und mitere recht gueti Frischi usgestattet.

Bitzeli negativ für min Gschmack (guet sind Gschmäcker verschiede) isch die zu starki Präsenz vom Holz im Gaume.

Dä Wy chan i trotzdem mit guetem Gwüsse empfehle, unbedingt probiere.

Bei www.moevenpick.ch für 21.90Chf

Vinonautenpunkte: ***Sterne

 

2.       Domaine Durand „Empreintes“ 2011 (nöd blinddegustiert)

         

           Land, Frankreich

           

           Region, Cornas

          

           Trubesorte, 100% Syrah

 

De „Empreintes“ präsentiert sich imene jugendliche Purpurot  mit violetten Rand.

I de Nase Schwarzifrücht, pflaumig süesse Duft begleitet vonere liechti bluemigi Krüternote.

Au Vanille und animalische noten schwinget mit.

Nase isch recht konzentriert, eifach nur GEIL! Jetzt mue de Wy aber unbedingt in Gaume.

Gaume isch wunderbar fruchtig, Holz und Frucht sind schö usbalanciert.

Di frische Säure macht Luscht nochem nöchste Glas.

Tannine sind jung aber bereits schö ibunde.

De Abgang isch fruchtig und wird begleitet vonere liecht bitteri Vanillenote.

Längi von Wy isch meh als in Ordnig.

Fazit: Kurz gsait, verdammt geile Stoff!!

Kräftig aber nöd opulent , cremig aber nöd fett, sehr elegant und vollmundig.

Unbedingt kaufe! Korke weg und eifach gnüsse, mit gueti Fründe am beste oder suscht eifach eis uf ego mache.

Bei www.topcc.ch für 32.30Chf

Vinonautenpunkte: ****+Sterne

 

3.       Hacienda Monasteriro Reserva 2008 (blinddegustiert)

Land, Spanien

Region, Rivera del Duero

Trubesorten, Tempranillo, Cabernet Sauvignon, Merlot

21 Monate i frazösischi Barriques

 

Dunkles Purpurrot mit liecht rifi note zeigt sich de Wy.

I de Nase konzentrierte und elegante Duft vo Roti- und Schwarzifrücht, Vanille, Tabak und Schwarzischoki.

I han s‘Gfühl do isch alles schö präzis. Isch für mi bereits echt geil i dä Nase.

Frag mi au, ob de Wy en Ribera del Duero isch? Bi mi aber nöd sicher ob de Wy  100% Tempranillo isch.

Uf jede Fall isch Tempranillo vorhande, do chönt i mini letsch suberi Unterhose wette.

Schöni Frischi im Gaume, Taninne präsent aber schö i bunde.

Frucht (Vanille, Schokolade)  und Rostaromen wunderbar vernetzt, au (etwas Alkoholisch?) Kirschlikör spielt mit.

De Abgang isch lang, me chans chum erwarte de nöchst Schluck z´neh.

Fazit: Elegante, kräftige Wy.

Do schlot s‘Herz vom Wytrinker gern ( zu mindestens mis Herz) höher.

De Stoff chan i au nur wieter empfehle! Hät würkli Klasse.

I würd de Wy sicher 1 Stund dekantiere so chönd sich d´Arome besser entfalte.

Über de Pris chönt mo diskutiere wenn Möglichkeit do isch unbedingt probiere oder sich Fläsche uf de Geburi schenke lo.

Bei www.moevenpick.ch für 69Chf

Vinonautenpunkte: ****+ Sterne

 So Lütli bis zum nöschtmol.

PS: S‘Fleisch, Kartoffle und Sauce sind super g´si. Ihr händ guet kocht Jungs!   

Saludos

De Vinonaut

Blinddegu

Salü Ihr Vinonauten

 

Es isch wieder mol Zit gsi für e Blinddegustation.

Normalerwis treff i mi, eis bis zwei Mol i de Wuche mitemenn Vinautenfreund bi ihm di Hei.

Do wird Wy blind degustiert, da heisst i weiss nie was für en wy er uf de Tischt bringt und er weiss au nöd was ich ihm uf Tisch stelle und natürlich erfahret mir zwei erst am Schluss um was für en Wy es sich handelt und au wie wit das s‘Portemonaie mue ufgoh falls mo sich de wy wöt leiste.

Es wird über dä Wy im Allgemeine diskutiert z.B. Gschmack, Prisleischtig und und und.

Mir sind üs nöd immer einig und das isch au guet so, den nur so entstünd interessanti Diskusione über de Wy.

 

Diesmol händ mir zwei Wy degustiert -  do sind Gedanke und Idrück vom Wy

       1.       Marques de Valparaiso Crianza 2010

    Land, Spanien

                Region, Ribera del Duero

                Trubesorte, 100% Tempranillo

                18 Monat i amerikanischi Barriques

 

De Wy zeigt sich imene mittlere Kirschrot (für en Ribera del Duero recht hell) mit hellem Rand.

I de Nase eifach nur fruchtig (Kirsche, Pflume) s‘Ganze wird vo bluemigi Note(Veilchen??) begleitet und bitzeli Lakritz (nöd die Rote süesse Lakritz sondern die schwarzi bitteri Lakritz) und Schokolade (kein Milchschokolade d‘ Schwarzschokolade macht s‘Renne) schwingt au no mit.

I mue säge, Nase löst nöd gad Glücksgefühl us, isch aber in Ordnig.

 

Im Gaume (wie ich bereits i dä Nase vermuetet han ) kein Schwergewicht eher s‘Gegeteil, leichter Stoff.

Wie i de Nase au im Gaume mache sich die kirschigi Frucht bemerkbar, die Tanninen sind spührbar aber nicht störend,

s‘Ganze wird no vonere mittleri frischi begleitet.

 

De Abgang isch au mit liechti (do hätt i mi echli Frucht g´wünscht) Schokonote usgschtatet.

Über Längi vom Wy chönt mo diskutiere, für mi isch sie z´kürz.

 

Fazit:  Guet gemachte Wy aber auch nöd meh und nöd weiniger.

Klar, jetzt weiss i au dä Pris vom Wy 10 Chf, für de Pris chan i nöd gad e Bombe (so naiv bi i au nöd) erwarte aber troztdem bin i bitzeli entüscht vom Wy.

Us de Region Ribera del Duero erwart i au im untere Prissegment (untere Prissegment isch für mi alles wa unter 10 Chf goht) scho bitzeli meh vo allem.

I als Amateur erlaub mir so was z´säge den hüt zu tags kenn i paar Wy im Bereich 10 bis 13 Chf us de Region, das sicher im Vinonautenblog besser würet weg cho.

Nix desto trotz isch für 10 Chf Fläsche, de Wy völlig i Ordnig (kenn für 10 Chf au schlimmers).

Bei www.denner.ch für 10 Chf

Vinonautenpunkte:**Sterne

 

   2.  Tal Cual 2011

      Land isch Spanien

      Region Aragon

      Trubesorte Garnacha und Syrah

      6 Monat i französischi Barriques

 

De Wy erschint imene dunkle Purpurrot mit violettem Rand.

Nase voll mit rote und schwarzi rifi Frücht (Kirsche, Cassis) echli Pfeffer und Krüter chömet au vor.

I chan de Idruk das i de Nase lichti Suessi (interessant) mitschwingt.

Nase chan mo mit em erste Wy nöd vergliche, es isch s’Gegeteil,  do han i ä kräftigi, konzentrierte Nase.

Im Gaume isch de Wy mächtig fruchtig  au wieder schwarzi Frücht, wenig Kirsch mehr Brombeeri, bitter Schokolade isch au debi.

Die Tanninen sind schö mit de Frucht ibunde.

De „Tal Cual“ isch recht konzentriet d‘Frischi im Gaume loht aber es bitzeli z´wünschen übrig, di wenig Frische loht ihn es blitzeli schwer und plump im Gaume wirke, schade, schade! Da bestoht Gefahr das mo nach em erste Glas bereits genueg hätt vom Wy.

De Abgang isch fruchtig und (viellich än touch alkolisch) agenehm und Längi isch in Ordnig.

Fazit: en mächtige fruchtige Wy wo Spass macht.

Für d‘Lüt die gern uf de fruchtige Schine spazieret, chan i de Wy mit guetem Gwüsse empfehle.

Isch kein komplexe, elegante oder weiss Gott was für en Wy aber s‘Geld sicher Wert.

I persönlich würd de Wy bi 14 – 15 Grad trinke. I denk bi hochi Temperature würd sich de Wy nöd guet(wenig Frische) trinke lo.

Bei www.gerstl.ch für 13.50 Chf

Vinonautenpunkte: ***Sterne

So, die Show ist vorbei bis zum nöchst Mol.

 

Saludos

De Vinonaut

Sexy Portwy Taylor´s LBV 2004

Sali Zäme

 

I find Portwy isch eine vo de schönste ufgspritete Wy überhaupt. Er hät für mi eifach echli vo allem: Fruchtigi   süessi, Kraft, Temperament, Eleganz.

 

D'Lippe werdet i dem geile Nektar dünkt und de Saft mit sine ganze  Frucht und Kraft überschwemmt s'mul und verabschiedet sich imene lange, süesse, fruchtige, würzige, elegante Abgang. Me chan es chum erwarte en 2te Schluck z'neh, eifach sexy und spannend wie e wunderschöni FrauJ

 

So, aber was isch eigentloch Portwy? S'Ganze z'erkläre würd viel z'lang go, darum werd i mi versuche so kurz wie mögloch z'halte. Portwy chunt us Portugal, genau us de Douro-Region, di Region wird als Heimat vom Portwy bezeichnet. Als aller erst wird Portwy us folgende Rebsorte wynifiziert: Touriga Nacional, Trincadeira, Tinta Barocca, Tinta Cão, Tinta Roriz und Turiga Francesa.

 

De gärende Most wird mit hochprozentige Wydestillat (portugiesisch: augardente) ca. 80% gstopt. De Zitpunkt wo mo d'Gärig stopt entscheidet über wie viel Restzucker no im Wy vorhande isch und halt wie süess das er wird. Portwy erreicht am Schluss en Alkoholgehalt zwüschet 18 und 22 Volumen %. Ihr chönd mir glaube, s'Ganze isch nöd so eifach wie i do verzähle, es steckt viel meh Arbet dehinder. I wöt aber jetzt nöd tüfer is Detail goh den süst wirds für de eint oder ander z'langwiligJ. Nur no eis, es git verschiedeni Stufe z.b.:

 

Ruby: de jung und fruchtige Portwy, wird als Aperitif empfohle.

 

Tawny: de elegante und nöd allzu süesse Portwy, wird als Dessertwy empfohle.

 

LBV (Late Bottled Vintage):Experte säget das de Portwy, de isch wo am meiste Charakter zeigt. Uf jede Fall isch er günstiger als de Vintage und früehner zuegänglicher.

 

Vintage: weich und elegant, brucht Zit damiters'ganze Potential zeigechan , er isch tüür und selte. Nur die beste Johr werdet als Vintage deklariert.

 

So, aber jetzt zum Portwy wo i degustiert han ,  es handelt sich um de:

 

Taylors LBV 2004.

 

 

 

 

 

 

 

 

 

 

De Portwy zeigt sich imene schöne dunkle Kirschrot mit violettem Rand. Usem Glas springt e Mischig us kompottartigi nöd allzu süessi Frücht, Brombeeri, Pflume, schwarzi Kriesi und alles schö ibunde mit echli Kirschlikör, Zimt und Pfeffer. Am Gaume isch er kräftig, fruchtig, würzig mit sehr schöni weichi Tannine. Elegants süess-säure Spiel und en sehr lange Abgang.

 

Fazit: Viel meh will i do dezue nöd säge, eifach mega sexy. Chan i nur witer empfehle!!

Bei www.vinexus.ch für 31.80Chf.

Vinonautenpunkte:****+ Sterne

 

Saludos

De Vinonaut

 

 

 

Vinonauten Pünkt-System

Saluti Zäme

Für alli degustierti Fläsche, wird i versueche (nei, nei, de Robert Parker bin i nöd!) Pünkt z´vergeh.

So hät jede Möglichkeit z´gesse wie guet de Wy für mi gmundet hätt.

Die Vinonauten Pünkte werdet als Sterne dargestellt.

 

Und so läuft de Hase:

 

* Unterirdisch!
    Nöd zum empfehle.

 

** Durchschnittlich
      Trinkbar aber au tuschbar.

 

*** Trinkbar und zuverlässig
         En guet gemachte Wy de Spass macht.

 

**** En richtig guete Wy
            Ussergewöhnlichi Qualität, Charakter isch im Glas vorhande.

                       Champions League!

 

***** So schmeckt Wy im Himmel
                 Einzigartig! Ghört zu de Highlights im Lebe.

 

Natürlich sind halbi Pünkt au möglich z.B.

 

**+ (2,5)  oder  ****+ (4,5)

 

Hoff isch eu alli klar, susch eifach froge.

Saludos
De Vinonaut