Zwei Titanen!

Wy Nr. 1:

Opus 11-Seleccion 2009

Land: Spanien
Region: Navarra
Trubesorte: Tempranillo, Syrah

Was für ä Nase! Roti und schwarzi Frücht, Schokinote, Vanille, Chrüter, schöni Röstaroma. Im Gaume saftigi Frücht, kräftig, vollmundig und trotz aller Kraft bliebt dä Wy sehr elegant. Agenehm frisch.Tannine sind präsent und sehr guet integriet. Dä Abgang isch fruchtig, mit liechti Röstnote und lang.

Fazit:

Bi begeistert!!  Än Wy das mi persönlich glücklich macht.
Wünderschöni definierti Nase und Gaume, Komplex, Kraft und Eleganz mit viel Potenzial.
Die einzig Wermutstropfe isch leider dä, das dä Wy nöd ganz günstig isch.

Bei www.gerstl.ch für 115 CHF
Vinonautenstern: ****+ bei Vinosensual



Wy Nr. 2:

Valbuena Vega Sicilia 2005

Land: Spanien
Region: Ribera del Duero
Trubesorte: Tempranillo, Merlot, Malbec

I dä Nase Brombeeri, Kirsch, Pflume, Rauch, Leder, Schokinote, Vanille, Holz. Im Gaume sind Frücht wie au scho i dä Nase schö präsent, liechti Kaffinote, mineralisch, kräftig. Knackigi Frischi . Tannine sind präsent und leider no nöd so guet integriert. Dä Abgang isch fruchtig, würzig und lang.

Fazit:

Än Wy das au Spass macht.
Schöni definierti Nase, kräftig, vollmundig, dä Wy hät no viel Potenzial.
Tannine sind für än 10 jöhrige Wy no recht markant aber wie scho gsait dä Wy hät no Potenzial für es paar Jöhrli und ich denk das die Gerbstoff sich besser werdet integriere.
Au do isch die einzig Wermutstropfe leider dä Pris!

Bei www.moevenpick.ch für 135 CHF
Vinonautenstern: ****bei Vinosensual



Saludos
Dä Vinonaut

Ribeira Sacra und Ribera del Guadiana

Wy Nr. 1:

Lalama 2011

Land: Spanien
Region: Ribeira Sacra
Trubesorte: Mencia, Brancellao, Mouraton, Souson, Garnacha

I dä Nase än Korb volle Waldfrücht, Zimt, bluemige Note und Bleistiftmine.
Im Gaume saftigi Kirsch, agehnem frisch.Tannine sind präsent und no nöd ganz guet integriert. Dä Abgang isch fruchtig und liecht würzig.

Fazit:

Macht Spass! Frischi Frucht, liechti Holznote und än würzige, fruchtige Abgang.
Ich empfehl dä Wy mit guetem Gewüsse!

Bei www.vinothek-brancaia.ch für 21.80 CHF
Vinonautenstern: *** bei Vinossin



Wy Nr. 2:

Los Balancines 2010

Land: Spanien
Region: Ribera del Guadiana
Trubesorte: Tempranillo, Cabernet Sauvignon, Garnacha

I dä Nase roti und schwarzi Frücht. Fini Röstaroma, erdig, liechti laktischi Note (Erdbeer joghurt) und au Marzipan schwingt mit. Im Gaume zeig sich dä Wy, frisch, fruchtig, würzig, Lakritze au vorhande und vollmundig. Viel Tannine aber schö ibunde. Dä Abgang isch fruchtig und lang.

Fazit:

Än guet gemachte Wy. Viel Frucht, konzentriert, zeigt au gewüssi Eleganz.
S´einzige wa mi persönlich stört sind die 15,5%Vol, die machet sich leider es bitzeli zu stark bemerkbar.  

Bei www.Gerstl.ch für 38 CHF
Vinonautenstern: ***+ bei Vinossin


Saludos
El Vinonaut

Vinonauten treffet sich zur Blinddegu Piemont und Toscana

Es isch Samstig 18:00 Uhr und die Vinonauten treffet sich pünktlich zur Blinddegu.

Glässer und Wyfläsche sind uf dä Tisch.

So, mir startet!

 

 

Wy Nr. 1:

Pomorosso 2007

Land: Italien
Region: Piemont
Trubesorte: Barbera

I dä Nase, Pflume, Kirsch, Brombeeri. Feini Röstaroma, Kaffiibohne, liechti Schokinote und Vanille.
Im Gaume saftigi Kirschnote, vollmundig, elegant. Agehnemi Frischi und Tannine sind guet ibunde.
Dä Abgang isch fruchtig und lang.

Fazit:

Kraft trift Eleganz.
Macht Spass, sicher eine vo dä beste Barbera wo ich je trunke han.
Dä 2007 lot sich bereits guet trinke hät aber au Potential für paar Johrli.


Bei www.moevenpick.ch für 44.80 CHF
Vinonautenstern: ***+ 



Wy Nr. 2:

Nipozzano Vecchie Viti Riserva Chianti Rúfina 2011

Land: Italien
Region: Toscana
Trubesorte: Sangiovese, Malvasia Nera, Colorino, Canaiolo

Schöni Nase, Kirsch, Zwetschge, bluemiginote schwinget mit, würzig und liechti Tabaknote.
Im Gaume wird Frucht vonere schöni Frischi begleitet, würzig, schöni Röstaroma. Tannine sind präsent und minere Meinig no, no nöd ganz schö ibunde aber nöd wieter störend. Dä Abgang isch fruchtig und ok i dä Längi.

Fazit:

Schöne Chianti Riserva.
Wer Frucht, Würziginote, liechti Röstaromatik suecht und alles so verpackt dass es Spass macht und dazue no für än recht agenehme Pris, dä wird mit dem Wy recht guet bedient.


Bei www.moevenpick.ch für 32 CHF
Vinonautenstern: ***


 
Wy Nr. 3:

Barolo PI Vigne 2006

Land: Italien
Region: Piemont
Trubesorte: Nebbiolo

Viel schichtigi dezenti Nase, Pflume, Trockenifrücht, Bluemiginote, Schokinote, lichti Würzi.
Im Gaume zeigt sich dä Barolo, kräftig aber nod opulen, än Mix vo Trockenifrücht und Bluemiginote, bereits guet integrierti Tannine und alles wird vonere schöni Frischi begleitet.
Dä Abgang isch konzentriert und längi isch ok.

Fazit:

Sehr en guete Barolo.
Viel schichtigi Nase, kräftig, komplex.
Ich hätt mir bitzeli me Längi im Abgang gewünscht und trotzdem kenn ich i däre Prisklass kein bessere Barolo. Unbedingt probiere.


Bei www.SPAR.ch für 34 CHF
Vinonautenstern: ***+ 



Wy Nr 4:

Brunello CastelGiocondo 2007

Land: Italien
Region: Toscana
Trubesorte: Sangiovese

Rotibeeri, Würziginote und dezenti Röstaroma aber alles ziemlich flach für än Brunello.
Im Gaume wird's leider nöd besser, au do Rotibeeri und würzig. Schöni Frischi, die Tannine sind recht guet ibunde. Dä Abgang isch fruchtig und längi isch ok.

Fazit:
Bi recht enttüscht vom Brunello.
Kenn dä Wy scho lang und eigendlich hät mi dä Wy immer positiv überrascht.
Dä Jahrgang isch leider minere Meinig, nöd gad dä Hit.
Es wirkt alles so flach, mit wenig Lebe zeigt er sicht, schade!
I däre Prisklass erwarti scho meh Wy fürs Geld.


Bei www.moevenpick.ch für 58 CHF
Vinonautenstern: **+


So, das wars!

Es isch wiederemol sehr e schöni Vinonautendegu gsi und ich freu mi bereits uf die nöchst Vinonautendegu!


Saludos
Dä Vinonaut


































































































































































































 

Rioja Crianza & Rioja Reserva

Wy Nr. 1:

Baigorri Crianza 2010

Land: Spanien
Region: Rioja
Trubesorte: Tempranillo

I dä Nase viel Frucht, Pflume, Kirsch und Brombeeri. Feini Rostaroma, Tabak, liechti Schokinote und Vanille.

Im Gaume isch dä Wy wie bereits au i dä Nase sehr fruchtig, die Schokinote chömet guet zur geltig. Frischi isch agenehm,Tannine sind spürbar und guet ibunde und dä Abgang isch fruchtig und liecht würzig.



Fazit:

Für mi än ehrliche, guet gmachte Wy.

Prisleistig isch guet.

Dä wy lot sich guet trinke ohne das es mit der Zit langwilig wird.


Bei www.spanienweinonline.ch für 15.50Chf
Vinonautenstern: **+ Sterne bei Vinogarcha  





Wy Nr. 2:

Muga Reserva 2010

Land: Spanien
Region: Rioja
Trubesorte: Tempranillo, Garnacha, Mazuelo, Graciano

Am Afang zeigt sich dä Wy sehr verschlosse, erst nach guet 30-40min machet sich Schwarzibeeri bemerkbar au feini Rostaroma chömet zur geltig, Zederhoz, Schwarzischoki, Vanille.

Im Gaume Schwarzibeeri, würzig und au Rostnote spielet mit. Frischi isch agenehm und Tannine sind guet integriert, schöne würzige Abgang.



Fazit:

Für mi än schöne Reserva, brucht es bitzeli belüftig damit er zeigt wa drin steckt.
 
Prisleistig isch guet, minere Meinig no sicher kein grosse, komplexe Reserva aber für dä 

Pris bring dä Wy gueti Leistig und macht Spass.


Bei www.Topcc.ch für 22.50Chf
Vinonautenstern: *** Sterne bei Vinosensual.  




Saludos
Dä Vinonaut

Ribera del Duero & Barossa Valley

Wy Nr. 1:

A&M Bodegas Asenjo & Manso 2006

Land: Spanien
Region: Ribera del Duero
Trubesorte: Tempranillo

I dä Nase dichti konzentrierti schwarzi rifi Frucht, Pflume, Brombeeri, würzig, Kaffinote, Vanille, erdigi Note. Würklich schöni Nase.

Im Gaume isch dä Wy kräftig, schwarzi Frucht, Schokinote, würzig, cremig. Säure isch sehr guet integriert, Tannine sind markant aber bereits schö ibunde und dä Abgang isch lang.


Fazit:
Für mi en sehr guete Wy mit lagerpotential.
Viel frucht, schöni Röstaroma, kräftig, konzentriert,
dä Wy hät Charakter und dä Wy isch sehr tür! J


Bei www.moevenpickweine.ch für 150Chf
Vinonautenstern: **** Sterne bei Vinogarcha  




Wy Nr. 2:

P. Lehmann Mentor Cabernet Sauvignon 2008

Land: Australien
Region: Barossa Valley
Trubesorte: Cabernet Sauvignon

Intensivi schwarzi rifi Frucht i dä Nasa, Cassis, schwarzi Kirsch, Brommbeeri, Nase wirkt liecht kompotartig, au schwarzi Schoki und Minze schwinget mit.

Im Gaume agnehmi frischi, kräftig, konzentriert, au im Gaume rifi Beeri au liechti Minznote.
Tannine sind guet integriet und dä Abgang isch lang.


Fazit:

Au dä Wy isch für mi än sehr guet gmachte Wy.
Viel rifi Frucht, konzentriert, schöni längi, dä Wy macht Spass.


Bei www.coopathome.ch für 52Chf
Vinonautenstern: **** Sterne bei Vinosensual  



Saludos
Dä Vinonaut

Zwei Wy mit Charakter!

Zwei mit Charakter das ich nur chan witer empfehle.


Wy Nr. 1:

Castillo Ygay Gran Reserva Especial 2004

Land: Spanien
Region: Rioja
Trubesorte: Tempranillo, Mazuelo, Garnacha

Nase isch eifach dä Hammer!! Kirsch, Pflume, Vanille, Gewürz, Leder, Schoki, bluemigi Note, Kaffinote schwinget au mit.

Im Gaume isch dä Wy konzentriert, frischi Frucht, liechti Schokinote, würzig und schöni Holznote. Säure isch sehr guet, Tannine sind sehr schö ibunde und dä Abgang isch sehr lang.


Fazit:

Ich weiss nöd so recht wa säge und das meini im Positive Sinn!

Dä Wy isch eifach puri Freud! 

Wunderschöni definierti, usprägti Nase und im Gaume isch fast alles schö im Einklag.

Dä Wy hät Körper, Eleganz und Charakter.

Ich chan dä Wy dekantiert und es hät Ihm guet tue. 

Unbedingt probiere! Ich bruch unbedingt no paar Fläsche bi mir di Hei J

Prisleistig, dä Castillo Ygay isch tür aber i denk es lohnt sich, das soll jede für sich entscheide. 


Bei www.spanienweinonline.ch für 80Chf
Vinonautenstern: ****+ Sterne bei Vinogarcha  



Wy Nr. 2:

Tardieu Laurent Cornas Coteaux 2006

Land: Frankreich
Region: Rhone/Cornas
Trubesorte: Syrah

I dä Nase, frischi schwarzi, rotbeerigi Frucht, würzig, liecht animalisch, Chrüternote.

Im Gaume zeigt sich dä Franzos überwiegend mit Rotifrucht, Johannisbeeri, Kirsch, au die Würzigkeit vo dä Nase isch im Gaume spürbar, schöni Frischi, Tannine sind präsent und markant. Dä Abgang isch lang und würzig. 


Fazit:

Für mi en guet gmachte Wy.

Dä Wy isch kräftig aber dankt dä schoni Säure wirkt dä Wy agnehm frisch.

Tannine oder Gerbstoff sind halt minere Meinig no nöd recht ibunde.

Dä Franzos hät Charakter und au das Gwüsse etwas und drum chan ich dä Wy mit guetem Gwüsse witer enpfehle.

Prisleistig, isch nöd gad es Schnäppli aber mir wüsset im Lebe chunsch ja nöd alles für ein Franke über J


Bei www.moevenpick.ch für 48Chf
Vinonautenstern: ***+ Sterne bei Vinosensual





Saludos 
Dä Vinonaut

Samstig Obig

Samstig Obig, händ drü Vinonaute blind drü Wy degustiert.

Wy Nr. 1:

Torroja Terroir al Limit 2011

Land: Spanien
Region: Priorat, Katalunien
Trubesorte: Garnacha, Cariñena

I dä Nase roti-und Schwarzifrücht, Cassis, Himbeeri, Kirsch, Chrüternote und dazue au liecht erdigi Note.
Dä Wy macht Luscht uf dä erst Schluck!

Intensiv fruchtig, kräftig, elegant. Die Aromatik i dä Nase bestätiget sich au im Gaume.
Tannine sind spürbar aber fein. Animierendi frischi und gueti längi.


Fazit:

Für mi än guete Wy mit ernstem Spasspotential.

Ich chan dä Wy nur witer empfehle.

Prisleistig find ich OK.


Bei www.gerschtl.ch für 33Chf
Vinonautenstern: ***+ Sterne


Wy Nr. 2:

Chateau Clos L´eglise 2007

Land: Frankreich
Region: Bordeaux, Cotes de Castillon
Trubesorte: Merlot, Cabertnet Franc, Cabernet Sauvignon

Nase isch es bitzeli verschlosse aber mit dä Zit chömet, Johanisbeeri, Pflume und Kirschnote.
Au bluemigi, Kaffi und erdigi Note machet sich breit.

Im Gaume kräftig, fruchtig, schwarzi und Rotibeeri au bitter Schokolade findet plaz i dä Nase.         
Tannine sind recht markant und stönd liecht im Vordergrund.
Gueti frischi das am Wy Eleganz und än schöne trinkfluss verleiht, gueti Längi.


Fazit:

Für mi au än guete Wy wo no Zit brucht.

Wie bereits erwähnt; Tannine sind no nöd ganz recht im Wy integriert aber dä wy hätt sicher no es paar Jöhrli vor sich und au gnueg Potential zum ründer werde.

Prisleistig isch Ok.


Bei www.topcc.ch für 29.70Chf
Vinonautenstern: *** Sterne



Wy Nr. 3:

Villa Rustica 2004

Land: Italien
Region: Piedmonte, Barbera d´Asti
Trubesorte: Merlot, Cabertnet Franc, Cabernet Sauvignon

Dä wy dominiert Nase vo so genannti Tertiäromen (uftretendi Arome währendem Alterigsprozes oder ersti Azeiche vo beginnedi Rifi vom Wy) Leder, Tabak, Pilzaroma und leider au bereits oxidativi Note, das sait mir das dä Wy nüma lang hät bis er sich ganz verabschiedet.

Im Gaume isch dä Wy erstaunlich frisch aber do wird mini vermuetig das ich i dä Nase scho gah chan bestätigt. Praktisch kei Frucht meh vorhande, tröchneti Zwetschge, Holznote, Tannine im Gaume nim ich nüme wahr. Dä Abgang recht kurz.


Fazit:

Für mi en Wy das sini best Zit scho gseh hät.

Er isch sicher no trinkbar aber per sofort und kei Minute länger warteJ

Prisleistig? kei Ahnig find dä Wy nöd i dä Schwyz im Verkauf.

Vinonautenstern: ** Sterne


Saludos
Dä Vinonaut