Tarima Hill & Viña Tondonia

Sali Ihr Vinonauten,

 

Zwei Fläsche, zwei Nase, zwei Gaume.

 

 

Wy Nr. 1:

Tarima Hill 2011

 

Land: Spanien

 

Region: Alicante

 

Trubesorte: Monastrell

 

 

 

 

 

 

 

 

 

 

 

 

 

 

 

 

 

 

 

 

I dä Nase markanti süesi rifi Fruchtnote, Brommbeeri, Pflume, schwarzi Kirsch, und au Kirschlikör isch vorhande.

 

Hmm!! dä Wy chunt mir recht Alkoholisch i dä Nase.

Im Gaume viel Druck, kräftig, au do rifi schwarzifrücht bis zum abwinke.

 

Dä Abgang isch würzig, fruchtig und alkoholisch.

 

Zu dä Frischi oder Säure chan ich nöd viel säge es fehlt mir eifach.

Fazit:

 

Für mi än Wy das leider mit der Zit langwilig wird.

So viel Kraft und so wenig Frischi und somit wirkt dä Wy für mi etwas plump.

Ich weiss min Fründ dä ParkerJ gibt dem Wy 91P, ich hans versuecht aber ich find die 91P nienetL

 

Prisleistig find ich es bitzeli z´tür.


Bei www.spanienweinonline.ch für 19.55Chf

Vinonautensterne: ** Sterne

 

 

Wy Nr. 2:

Viña Tondonia Reserva 2001

 

Land: Spanien

Region: Rioja

Trubesorte: Tempranillo, Garnacha, Graciano, Mazuelo

 

 

 

 

 

 

 

 

 

 

 

 

Schöni rotbeerigi Frucht i dä Nase, Kirsch, Chrüter, dazue Leder, Tabak, Vanille und würzigi Note.

Im Gaume sehr gueti Frischi, au do saftigi rotbeerigi Frücht, Tannine sind schö ibunde.

Elegante Körper und dä Abgang isch liecht würzig .

 

Fazit:

 

Ich säg nur, dä Wy unbedingt probiere!

Klassische Rioja, dä Wy macht Spass.

 

Ich persönlich hät mir bitzeli meh Längi im Abgang gewünscht, für so än schöne runde Wy.

 

Aber so isch es im Lebe, ma chunt nöd immer alles über wa ma sich wünschtJ

 

Prisleistig isch guet.


Bei www.spanienweinonline.ch für 31.20 Chf

Vinonautensterne: ***+ Sterne

 

Saludos

Dä Vinonaut

 

 

Was für än Mittwoch!!

Sali Ihr Vinonauten,

Geschter Mittwoch isch wiederemol so än Tag gsi zum vergesse, viel streeeessss und nünt isch so richtig guet gloffe!

Tja, so sind halt mangmol tägJ

Uf jedefall bi irgendwen hei cho und chan nur eis denkt „Steak und Wy“

Dä Steak isch guet gsi! Und well ich mi nöd han chöne entscheide was für än Wy das ich trinke söll,, hani halt 2 Fläsche köpftJ

PS: Kei Angst Vinonauten es goht mir guet!  han nöd alles trunkeJ

 

Wy Nr. 1:

Chateau Duvivier les Muriers 2009

Land: Frankreich

Region: Provence

Trubesorte : Syrah, Cabernet Sauvignon, Grenache

 

 

 

 

 

 

 

 

I dä Nase schöni Fruchtnote vo Cassis und rifi schwarzi Kirsch, dezue chömed  no Krüternotene zäme mit  schwarze Pfeffer und es bitzeli bitter-Schokolade.
Im Gaume zeigt er sich frisch und vollmundig, schwarzi Kirsch, kräftig, markanti Tannine. Dä Abgang hät e gueti längi und wird vonere agenehmi Lakriz note begleitet.

Fazit:

Für mi än Wy das sich guet trinke lot und zum Steak hät dä Wy guet passt.

Prisleischt find ich OK.


Bei www.delinat.ch für 27Chf

Vinonautensterne: *** Sterne

 

 

Wy Nr. 2:

Portal Celler Piñol 2011

Land: Spanien

Region: Terra Alta (katalunien)

Trubesorte : Garnacha, Cariñena, Merlot, Syrah

 

 

 

 

 

 

 

 

Schöni roti und schwarz beerigi Frucht i dä Nase, Waldbeeri, Kirsch, Johanisbeeri, dazue leder und würzigi Note.Im Gaume gueti frischi, krätig,eher schwarzifrücht, weichi agenehmi Tannine. Dä Abgang isch Ok, fruchtig und liecht mineralisch chan ich es gefühl.

Fazit:

Ich find dä Wy guet, fruchtig,würzig und überhaupt nöd langwilig.

Prisleischt isch sehr guet.


Bei SPAR für 14.50 Chf
Vinonautensterne: *** Sterne



Saludos
De Vinonaut

Vinonauten treffet sich zur Blinddegu

Es isch Samstig 18:00 Uhr und die Vinonauten treffet sich pünktlich zur Blinddegu.

Glässer sind uf dä Tisch und Wyfläsche sind au sit guet 1 Stund offe.

So, mir startet!

Wy Nr. 1:

Resalte Reserva 2005

Land: Spanien

Region: Ribera del Duero

Trubesorte : Tempranillo


I dä Nase rifi dunkli Frücht aber au roti Frücht sind vorhande, Kirsch, Pflume, Gewürz, Vanille, Chrüter, Lakriz, Holznote, Kaffee??.

Also bis jetzt mueni säge, Nase isch recht komplex.

Im Gaume viel rifi Frücht, kräftig und trotzdem nöd opulent, Tannine sind präsent und guet ibunde, schöni Rostaroma und gueti Frischi.

Dä Abgang isch lang und wird vonere würzigi Note begleitet.


Fazit:

En Wy mit Charakter, kräftig, elegant, fruchtig, komplex, und, und, und.....

Vielschichtig isch dä Wy, bereitet viel Genuss.

S‘einzige Manko isch dä Priss J

Bei www.flaschenpost.ch für 61.90Chf.
Vinonautensterne: **** Sterne



Wy Nr. 2:

Teixar 2008

Land: Spanien

Region: Montsant

Trubesorte : Garnacha

 

Frischi Nase, Himbeeri, Kirsch, liechti Pfeffernote, Chrüter (Rosmarin?), Rosenduft und liecht alkoholisch.

Im Gaume zeigt sich dä Wy frisch, kräftig, mineralischi Note machet sich bemerkbar aber leider isch s‘alkoholische au vorhande und mit dä Zit au es bitzeli störend.

Gueti frischi, agenehmi Tannine und Längi isch au vorhande.


Fazit:

Fruchtige, würzige und mineralische Wy das sich guet trinke lot, sofern s‘alkolische nöd stört.

Für mi wird dä Alkoholische touch leider mit dä Zit störend, voralem im Gaume.

Sicher en guete Garnacha aber dä Pris isch ebe scho deftig.

Bei www.moevenpick.ch für 68Chf.
Vinonautensterne: ***+ Sterne


Wy Nr. 3:

Chateau Clauzet 2009

Land: Frankreich

Region: Bordeaux, Saint-Stèphe

Trubesorte : Cabernet Sauvignon, Merlot, Petit Verdot, Cabernet Franc.


Johannisbeeri, Brombeeri, würzig, liecht erdig und animalisch.

Im Gaume gueti Frischi, Tannine sind markant und recht pelzig.

Schöni Frucht, Schokinote und Vanille sind spürbar au liecht miralisch.

Dä Abgang isch ok aber mir persönlich, stört das trokene Gefühl das de Wy im Gaume hinterlot.

 
Fazit:

I glaub dä Wy brucht no es bitzeli Lagerzit damit sich Tannine besser chönd integriere.

I empfehl uf jedefall dä Wy paar Stunde vorem trinke dekantiere, wird im sicher guet tue.

Kein grosse aber au kein schlechte Bordeaux würd i meine und dä Pris isch nöd schlecht.

Bei www.vogelvins.ch für 30.50Chf.
Vinonautensterne: *** Sterne

 

Wy Nr.4:

Stag´s Leap Wine Artemis 2010

Land: U.S.A

Region: Kalifornien

Trubesorte : Cabernet Sauvignon.


Intensivi Nase nach Brombeeri, Pflume, schwarzi Kirsch, würzig, bluemig (Veilchen?) Schoki, Loorber und es bitzeli grüeni Paprika schwingt au mit. Sehr schön!

Im Gaume zeigt dä Wy viel Druck, vollmundig, liecht cremig.

Än Korb volle rifi schwarzifrucht, Vanille, sehr schöni Rostaroma.

Angenehmi Frischi und guet ibundeni Tannine.

Längi isch sehr guet und wird vomere spürbari Frucht, Würzigkeit und Rostaromatik begleitet.

 
Fazit:
Viel, viel Frucht, vollmundig, kräftig, vielschichtig, dä Wy macht Spass!

Chan i nur witer empfehlen. Über dä Pris lot sich rede aber für dä glich Pris han i scho Wy gah wo nöd a dem Wy ane chunt.

Bei www.vinello.ch für 52.75Chf.
Vinonautensterne: ****Sterne

 
So, das isch es! isch sicher en schöne Öbig gsi mit viel Wy und Infos.

I freu mi bereits uf die nöchst Vinonauten Degu!

 
Saludos
De Vinonaut