El Castro Reserva 2009 & L´Avi Arrufi 2007

Salü Ihr Vinonauten

 

Die Bodega „Altos R“ in Rioja isch 2006 gebore, verantwortlich dafür sind drü Winzer/ Önologen. Sie händ s‘ Ziel grossi Wy i dä Region z’produziere; das heisst, Wucht mit Eleganz und Terroir alles schö i de Fläsche verpackt.

El Castro Reserva 2009

Land, Spanie
Region, Rioja
Trubesorte, 100% Tempranillo
24 Monat i Barriques

 
















EL Castro zeigt sich Rubinrot.
Kirsche, rifi Schwarzifrucht, Vanille au etwas Tabak schwingt mit,
Espressonoten und viellicht au Lakriz? Bi mir nöd sicher.
Im Gaume zeigt de Wy Kraft aber au Eleganz.
Super Frischi, Tannine sind präsent aber bereits guet ibunde.
Die Frücht machet sich au im Gaume bemerkbar, Vanille, Kaffenoten und würzig.
Lang isch de Abgang.

Fazit: Kraft trifft Eleganz. En Wy wo locker mit anderi Wy höhere Kategorie chan mithebe und de Verglich nöd mue schüche. Für mi isch de Wy universell isetzbar z.B zu feins Esse oder eifach mit paar Fründe g´nusse und sich freue. De Wy isch sicher empfehligswert!

Prisleistig isch meh als in Ordnig.

Bei www.Gerstl.ch für 22Chf,  isch jetzt übrigens in Aktion für 17.50Chf en Schnäpli!
Vinonautenpünkt: ***+ Sterne, min Vinonautenfründ wo mit degustiert hät, isch nöd so ganz iverstande mit de Bewertig er isch de Meinig ****Sterne verdient de Wy und i nim natürlich die Meinig vom Vinonautenclub sehr ernst ,drum wird sie nöd ignoriert und im Blog erwähnt.

 

Die Bodega Piñol isch es Familiegeschäft, es liet i de D.O Terra Alta in (Spanie) Katalunien.

Es werdet 32 Hektare bewirtschaftet mit folgendi Rebsorte, Cariñena, Tempranillo, Garnacha, Syrah,
Cabernet Sauvignon, Merlot, Petit Verdot, Morenillo, dazue chömet  folgendi wissi Rebsorte, Garnacha blanca, Sauvignon Blanc, Viognier und Macabeo.
Han vor paar Jöhrli, dörfe paar Täg Kellerei go besueche und mue säge es isch würkli en Besuech wert.

L´Avi Arrufi 2007

Land, Spanie
Region, Terra Alta in Katalunien
Trubesorte, Cabernet Sauvignon, Merlot, Garnacha, Syrah und Tempranillo
16 Monat i Barriques

 

Tiefdunkel fast schwarz mit violettem  Rand.
Mächtigi Nase, schwarzi rifi Frücht (Brombeeri ), Schwarzischoki, Vanille, mineralisch (füechti Erde).
Kräftig, konzentriert, rifi Frucht, Kaffinote und würzig, viel Tannine aber schö ibunde.
Mittleri Frischi, de Abgang isch fruchtig und lang.

Fazit: kräftig, konzentrierte Wy mit Potenzial für Zuekunft.

Kaufe, dekantiere, trinke, gnüsse und sich freueJ
Prisleischtig isch OK.

Bei www.topcc.ch für 31.80Chf

Vinonautenpünkt: **** Sterne

Saludos
De Vinonaut