Baron de Ley Gran Reserva 2004 & Magallanes 2009

Salü Ihr Vinonauten

Die Wy sind blind degustiert worde mitemene Vinonautenfründ.

Die Bodega Baron de Ley in (Spanien) Rioja isch 1985 gebore.
Baron de Ley isch hüt im Besitz vo 320 Hektaren, de grösst Teil davo mit Tempranillo bestückt.

Baron de Ley Gran Reserva 2004

Land, Spanie
Region, Rioja
Trubesorte, 90% Tempranillo und 10% Cabernet Sauvignon
24 Monat i Barriques

 

Rubinrot, hells Ziegelrot am Rand goht liecht is orange.
Kirsche, Vanille , Tabak, Schokolade und Leder, vielschichtigi Nase.
Mit bitzeli belüftig wird Nase viel dütlicher.
Im Gaume isch de Wy mitere animierendi Frischi usgestatet.
Kirsche, Röstarome (Vanille)und gueti ibundene Tannine machet Luscht ufs nöchste Glas.
Abgang liecht bitter aber nöd störend, verleit am Wy Charakter, gueti Längi.

Fazit: Kräftig aber nöd Opulent, guet gemachte Wy.

Trotz liechti Alterserschinige hät de Wy no paar Jährli vor sich.
Prisleischtig isch OK minere Meinig no. Ihr kennet de Wy nonig? Probiere.

Bei www.flaschenpost.ch für 30.90Chf

Vinonautenpünkt: ***+ Sterne

 

Magallanes isch es Projekt vom Enologo Cesar Muñoz.
Ziel isch hochwertige Wy produziere, dafür werdet i de Region Ribera del Duero
über 80 jährigi alti Tempranillo Rebe verwendet, di lieget uf c.a. 1000 Meter Höhi .
So am Rand, vor zwei Johr sind en Vinonautenfründ und mini Wenigkeit, Magallanes go besueche.
Es isch fantastisch gsie, sehr interessanti gueti Gespröch sind mit Cesar Muñoz entstande, sehr gueti Wy dörfe degustiere und guets Esse häts au gehJ

So, jetzt zum Wy.

 

Magallanes 2009

Land, Spanie

Region, Ribera del Duero
Trubesorte, 100% Tempranillo
c.a 20 Monat i Barriques

 

Kräftige Purpurrot mit jugendlich, violettem Rand.

De erscht Idruck? Recht verschlosse aber mit belüftig im Glas goht de Wy schö uf.
Roti- und Schwarzifrücht, Vanille, Bitterschokolade, Kräuter, blumig, mineralisch (nase Steine) und liecht animalisch. Schöni Nase, nöd e Bombe eher elegant macht mir jetzt bereits echt Spass.
Im Gaume recht konzentriert, viel Druck, vollmundig, kräftig, gueti Frischi.
Schöni Frucht und (Espresso-Note) Röstaroma, jugendlichs Tannine, brucht no Zit.
Verabschiedet sich fruchtig und mineralisch, mitere super Längi!
Jetzt no es  Stuck Fleisch und i bi glücklichJ

Fazit: Da isch Champions League für mi als Wytrinker.

Hammer Wy! De Wy macht Spass, konzentriert, kräftig aber viel Eleganz.
En Wy mit Potenzial für Zuekunft, für min Geschmack no z´jung aber freu mi scho uf di nöchst Fläsche i paar Jöhrli!
I säg nur, kaufe, 1 Stund dekantiere und gnüsse.
Pris isch klar, tür aber es lohnt sich!

Bei www.gerstl.ch für 49Chf

Vinonautenpünkt: ***** Sterne


Saludos
De Vinonaut