De
best Wyabaugebiet in Spanien?
Naja,
do gönd meinige usenand für die einte isch es und für die andere isch es nöd!
Minere
meinig bruchts überall zwei sache zum Erfolg "Qualität und es verdammts guets Marketing" und Ribera del Duero hät
beides.
Ob
allei das Ribera del Duero zum best Wyabaugebiet vo Spanie macht?
Die
Wahrheit isch, Experte sind sich nöd einig.
Tja,
ob Ribera del Duero die best isch oder nöd, isch mir persöndlich recht glich!
Für
mi isch nur wichtig das Qualität stimmt und de Wy zum vernüftige Pris verkauft
wird.
Das
Ribera del Duero zu dä beste vo Spanie (au Weltwit) göhrt isch meh als sicher,
aber die best? hmmm.......
Wa denket Ihr?
Das Abaugebiet Ribera del Duero isch 1982 mit dem
DO Status klassifiziert worde .
Die Region hät e Rebflächi vo ca. 21.000 Hektare und produziert c.a 60.000 Hektoliter,
95% sind Rotwy,die Zahle variieret jöhrlich. Das ganze wird ufteilt uf 268(das sind Zahle wo de Consejo Regulador im 2013 bekannt geh hät) Bodegas.
Die Bodentype (Sandig, kalkstein und Lehmig) variieret stark, isch au de grund wieso i de Region so viel verschiedeni Wystilistike und Qualitäte herrschet .
Die
Wyberg lieget zwischet 700 und 1000
meter.
Das
Klima isch kontinental aber au mediterran geprägt und da bedütet so viel wie,
warmi, trokeni Sommer und sehr kalte Winter.
In
Ribera del Duero dominiert die Rebsorte Tempranillo, jedi rotwy Fläsche
muess mindestens mit 75% Tempranillo
abgefüllt werde oder die Flasche chönd nöd als DO Ribera del Duero vermarktet
werde.
In
Ribera wird die Tempranillo au Tinto Fino oder Tinta del Pais genannt.
Die
Profis sind de meinig das die beste Wy
us de Region sich nöd muend vo de grossartige Rotwy us de DOC Rioja verstecke. Dä
Wyliebhaber hät da au gemerkt und so isch die Nachfrag nach Wy us de Region
Ribera del Duero dütlich gstiege.
Die
Wy werdet in erste Linie us Tempranillo gekeltert aber sit einiger Zit chömet Cabernet
Sauvignon, Malbec, Merlot und Garnacha verstärkt dazue.
Die
Rotwy werdet i de Regel im Barrique usbaut, erlaubt sind nur Fässer mit maximal
300Liter Fassigsvermöge, verwendet werdet in erschter Linie Fässer us
amerikanische Eiche,seltener sind französische Fässer, teilweise aber au mit
Ostblock Eiche (Tschechien, Slowakei, etc.)
Die
Rotwy chöntme viellicht so definiere, jungi Rotwy sind vonere Kirschrot- mit
blau oder violetten Ton geprägt, Aroma vo rifi Frücht, wildi Beeri und genueg
Tannine isch vorhande.
Im
Gaume vollmundig und meistens mit usgewogeni Säure usgestattet. Rifi wy zeiget
au Aroma vo Gewürz, Leder, Holz und dä Tanningehalt isch niedriger.
In
Ribera wird au Wisswy und Rosé produziert, in erste Linie wird Wisswy us de
Rebsorte Albillo und Sauvignon Blanc produziert. Allerdings dörf nur Wy us de
Rebsorte Albillo als DO Ribera del Duero vermarktet werde.
Als
Qualitätssiegel träget alli Fläsche en fälschigssicheres Etikett, mitemene
Kontrollnummere.
Rosado (Rosé) Joven Crianza Reseva Gran Reserva
Usbaumethode für Wy
in Ribera del Duero
Jung Wy, Semicrianza
oder Roble
Wy wo weniger als 12 Monat oder kei Holz berührt
händ.
Crianza
Zwei
Johr Usbau, mindestens ein Johr i Barriques und de Rest i de Fläsche.
Reserva
Drü
Johr Usbau, mindestens ein Johr i Barriques und de Rest i de Fläsche.
Gran Reserva
Füf
Johr Usbau, mindestens zwei Johr i Barriques und de Rest i de Fläsche.
Zur
Info:
De
begriff Semicrianza oder Roble
sind inofizielli begriff, de Consejo Regulador (Kontrollrat der Region)
Anerkennt die zwei begriff nöd aber verbote sinds au nöd.
De Vinonaut
Keine Kommentare:
Kommentar veröffentlichen