Monastrell und Petit Verdot.

Saluti Ihr Vinonauten

 

Zwei interesanti Wy sind degustiert worde und zwar än 100% Monastrell au bekannt als Mouvedre und än 100% Petit Verdot.

 

Wy Nr. 1:

Estrecho 2011

Land: Spanien

Region: Alicante

Trubesorte : Monastrell



Schöni Aroma i dä Nase, riefi Frucht, Kirschen, würzig, frischi Chrüternote, Vanille, fini Holzaroma.

Im Gaume zeigt sich dä Wy kräftig, strukturiert und elegant, super Frischi.

Tanninen sind meh als vorhande aber nöd stören, ma spürt dä Wy isch Jung.

Rotifrücht, Schwarzifrücht, feini Holznote, würzig, sehr gueti Längi.

 

Fazit:

 

Bi sehr positiv überrascht.

 

Sehr schöne Monastrell, kräftig, komplex und elegant.

Es isch irgendwie alles schö mitenand ibunde, Easytrinking ohne das es langwillig wird.

Ma spürt das dä Wy no jung isch und ich denkt das dä Most no viel Potential hät.

ich empfehl dä Wy paar Stunde dekantiere.

Lütli, dä Wy umbeding probiere, isch sicher kein übliche Monastrell mit wenig Frischi und recht alkoholisch.

Für mi sicher dä best Monastrel wo ich je trunke han, macht Spass!

Prisleistig isch OK.

Bei www.vogelsangerweine.ch für 37.50 Chf, Jahrgang 2011.

Vinonautensterne: **** Sterne

 

Wy Nr. 2:

Enrique Mendoza Petit Verdot 2006

Land: Spanien

Region: Alicante

Trubesorte: Petit Verdot

Nase schmöckt nach rifi Schwarzi Frücht, würzig, Holz und pflanzlichi note z.B. Tomatekrut.

Im Gaume zeigt sich de Wy kräftig, würzig und liecht herb.

Frucht blieb mir es bitzeli uf Streki die Pflanzlichi und wüziginote überdeckt mehrheitlich Frucht.

Tannine sind präsent und hinterlönd im Gaume es liecht trokenes Gefühl.

Dä Abgang isch ok und wird vonere bitteri aber nöd störendi Note begleitet .

 

Fazit:

Dä Wy isch Ok.

ich denk dä Wy hätt sicher no Potenzial und chönt i paar Jöhrli no meh Spass mache.

Glaub die Tannine chöntet sich im Wy besser integriere, ich würd im noh paar Jöhrli zit geh.

Dä Wy isch sicher kei schlechti Wahl zum Trubesorte Petit Verdot kennelerne.

Probiere ihr Vinonauten!



 Prisleischtig isch Ok.

Bei www.vogelsangerweine.ch für 23.50Chf

Vinonautensterne: *** Sterne


Saludos
De Vinonaut