Saluti Ihr Vinonauten
händ mir zwei Vinonaute au gsorgt.
Pasta mit husgemachte Pesto, gerösteti Zwieble, Knobli, Salami und ganz wichtig dä Parmesan.
So, jetzt zum Wy ……
Clos du Jaugueyron 2006
Land, Frankreich
Region, Bordeaux, Haut-Médoc
Trubesorte, Cabernet Sauvignon, Merlot,
Cabernet Franc, Petit Verdot
Feini Nase, viel Schwarzifrücht, Casis, Pflume, liechti Schokinote, Vanille.
I find Nase recht komplex, macht Spass.
Im Gaume zeig sich de Wy recht frisch,
konzentriert ohne das es opulent wird.
Tanninen sind präsent aber fein.
Wieder Schwarzifrücht, liechti Rostarome,
gueti Längi.
Guet gmachte Bordeaux, macht Spass.
Dä Wy lot sich guet trinke, glaub er hät no
Potential für paar Johrli, ob er besser wird???
Tja, mol luege.
Prisleistig isch in Ordnig.
Vinonautensterne: *** Sterne
Wy Nr. 2:
Cyclo 2009
Land, Spanien
Region, Ribera del Duero
Trubesorte: Tempranillo, Garnacha, Albillo
Dunkel wie es Loch zeigt sich dä Wy im Glas.
Nase macht sich bemerkbar mit sehr viel, viel
und nomol viel Rostaroma.
Mit recht viel Müeh, findi no marmeladigi
oder rifi Schwarzikirsch Note.
Recht alkoholisch zeig sich au Nase.
Im Gaume gohts witer, viel Druck, opulent,
fett und wieder viel zu viel Rostaroma.
Für so viel Kraft lot Frischi uf sich warte.
Dä Alkohol macht sich‘s gemüetlich au im
GaumeJ aller spötistens jetzt frag ich mi,
wie viel Vol% hätt dä Wy???
Über Längi vom Wy chan ich mich nöd beklage.
Wo ich Fläsche gsehn han, muess ich säge, bi
enttüscht gsi.
Mengmol isch weniger meh.
Chan dä Johrgang 2007 mehrmols dörfe trinke
und do isch für mi
alles besser verteilt.
Viellicht bins au ich, das dä Wy nöd richtig
chan schätze und söt nomol id SchuelJ
I wird dem Wy sicher nomol a Chance geh!
Prisleistig isch tür.
Für dä Pris erwart i scho es bitzeli meh
Genuss.
Nöd falsch vorstoh, de Wy isch nöd schlecht!!
und für mi isch dä Wy ***Sterne sicher wert.
Aber ebe dä Wy kostet nöd 20, nöd 25 und nöd
30Chf.
48Chf koste dä Wy und für de Pris händ mir
Vinonauten bereits Wy trunke mit ****Sterne.
Vinonautensterne: ***
Sterne
Saludos
De Vinonaut
Keine Kommentare:
Kommentar veröffentlichen